Nökkvi - Félag siglingarmanna á Akureyri

Sumarnámskeið Nökkva hefjast þetta árið mánudaginn 12 júní, nk.  Stæðsti hluti starfsmanna klúbbsins eru vinnuskólakrakkar og þau mega ekki byrja vinna  fyrr en 12. Námskeiðin standa fram í miðjan ágúst svo nóg pláss ætti að vera fyrir alla áhugasama yfir sumarið.  Nýr öryggisbátur verður tekin í notkun fljótlega, æfingar fyrir krakka eru hafnar en verða nú fast næstu 3 vikurnar á þriðjudögum og fimmtudögum 17-19,30.

Sumarstarfsmenn munu allir taka eitt sérstakt öryuggisnámskeið í Nökkva og var fyristi hópurinn á námskeiði í síðustu viku og svo allir hinir í þessari viku eða byrjun næstu.

Það er búið að vera mikið af krökkum í Nökkva sl vikur, margir skólar víða af landinu hafa verið í heimsókn og skólahópar úr Síðuskóla og Giljaskóla og ekki má gleyma Hríseyjarskóla voru í síðustu viku.  Námskeiðin hófust núna 6 júní og fara vel af stað. Kjölbátanámskeið fyrir fullorðna eru einnig hafin.  Hér á heimasíðunni undir námskeið eru nokkuð góðar upplýsingar um námskeiðin, klæðnað og fleira.  

Ágætu félagsmenn Nökkva, siglingavinir, SÍL, framkvæmdaaðilar,  styrktaraðilar og forsvarsmenn íþróttamála.  Það er margt að þakka þegar litið ef yfir árið og talsvert  áunnist.  Talsverðar endurbætur voru á Höepfnersbryggju, landstöpull steyptur fyrir flotbryggjuna og landgangar á allar bryggjur gerðir og klárðað að hlaða varnargrjóti utan um.  Vegna mikils sigs varð að rétta eitt húsið heilmikið en hin látin vera óbreytt þar sem ekki svarar kostnaði að reyna rétta þau af.  Nýja athafnasvæðið var jafnað og klárað að hluta og einnig var steyptur stór og mikill rampur/skábraut.  Námskeið sumarsins gegnu vonum framar þrátt fyrir kaldasta sumar  sl 20-30 ára en fækkað hefur því miður í æfingahópnum og verður það helsta verkefni stjórnar á nýju ári að reyna að bæta úr því.  Unnið er að nýjum teikningum af fyrsta húsinu sem rísa mun á nýja athafnasvæðinu en það er bátaskýlið og ætti það að verða fokhelt fyrir næsta vetur.

Jólagjöf ársins var veglegur styrkur Samherja sem úthlutað var við hátíðlega athöfn rétt fyrir hátíðina og sendum við þeim þakkir og árnaðar óskir á nýju ári eins og öllum öðrum sem hjálpuðu okkur eins og verktakarnir Skútaberg, Finnur EHF, Halldór Bald og fleiri.  Ég vil þakka stjórn og félagsmönnum gott starf á áriu sem er að líða, sérstakar þakkir fá þeir duglegu einstaklingar sem unnu í Nökkva í allt sumar og skiluðu miklu og óeigingjörnu starfi og skora á alla að standa að baki Nökkva næstu árin meðan uppbyggingin fer fram og koma okkur sterkum inn í framtíðina með glæsilega nýja siglingamiðstöð við Pollinn.  Rúnar Þór Björnsson formaður Nökkva, félags siglingamanna Akureyri.