Nökkvi - Félag siglingarmanna á Akureyri

 Stefnt er að því að byrja námskeið fullorðinna 28. júní n.k. - 9. júlí.

Kennd verða helstu undirstöðuatriði siglinga á seglbátum s.s. að gera báta klára fyrir siglingu. Kennt á helstu stjórntæki skipsins, segl, vél og talstöð ásamt neyðarkalli. Farið yfir öryggisatriði um borð í íslenskum skipum og öryggistæki, gagnvart eldi, sjó, veðri og hugsanlegu strandi og árekstri ásamt MOB. Kenndir helstu hnútar og frágangur skips við bryggju og hvernig bátar eru bundnir þar með því að nota ,,spring". Fjallað verður um áhrif flóðs og fjöru ásamt hafstrauma. Helstu umferðareglur á sjó kynntar, bæði gagnvart segl- og vélbátum ásamt umferðarreglum skipa þar sem þrengt er að stjórnhæfni stærri skipa. þá skal nemanda kennt að leggja frá og að bryggju á vél.