Nökkvi - Félag siglingarmanna á Akureyri

Fjölbreytt námskeið eru að hefjast, eins og sjá má á heimasíðunni er kjölbátanámskeið að hefjast undir stjórn Benedikts og Jóns Magg. 

Konur á siglingu er nýtt námskeið sérstaklega ætlað konum undir stjórn Herdísar Jónsd siglingakonu frá Ísafirði sem nú býr á Akureyri.  Hugmyndin er að kenna á minni seglbáta klúbbsins, Topper Topas, Wayfarer og Askeladden og endað með ferð á flaggskipi klúbbsins, Paradís.  Þetta verður 8-10 tíma námskeið sem keyrt verður 3 - 4 skipti á rúmri viku.  Svona námskeið gefur fína innsýn í siglingasportið og þátttakendur geta auðveldlega handleikið minni seglbát upp á eigin spýtur að því loknu.

Ebba litla verður efnilegur siglari þegar fram líða stundir, hér við stýrið á Gógó.

Seglbrettanámskeið hefjast í vikunni, en Akureyri er eini staður landsins þar sem slík námskeið eru haldin.  Námskeiðin verða 9 tímar, ca 2-3 tímar í senn á ca þremur dögum en best er að hella sér í þetta af krafti.  Mjög misjafnt er hversu fljótt fólk nær árangri en klúbburinn á gott úrval seglbretta sem auðvelt er að byrja á. Blautgallar eru á staðnum og björgunarvesti.   Áhugasamir sendið email á siglingaklubburinn@gmail.com eða hringið í síma 694-7509.

Seglbrettasiglingar eru frábært sport en eru talsvert krefjandi.