Nökkvi - Félag siglingarmanna á Akureyri

Flýtilyklar

Deildarval
Valmynd

Brauðmolar

Forsíða

Velkomin(n)

Nökkvi félag siglingamanna á Akureyri var stofnað 11. sept. 1963 en hét áður Sjóferðafélag Akureyrar.

Nýjustu fréttir

Baráttuár framundan 2012
Almennt - mánudagur 2.jan.12 13:57 - Rúnar Þór Björnsson - Lestrar 201 - Athugasemdir (0)
Ágætu siglingamenn Nökkva, ungir sem aldnir. Bestu hátíðarkveðjur með von um gott ár 2012. Það var verulega mikið um að vera á sl. ári, endurbættum Optimistabúnaðinn talsvert og fengum 3 nýja báta. Bættum öryggismálin talsvert með nýjum björgunarbáti, vestum og nýjum VHF talstöðvum. Ekki má gleyma nýjum seglbát, sérhönnuðum fyrir fatlaða sem við tókum upp og kynntum í des sl. Fyrirtæki, félagasamtök og margir aðrir veittu okkur styrki ásamt rekstrarstyrk Íþróttaráðs og Samfélags og mannréttindaráðs. Árið 2012 verður áherslan lögð á Laser búnaðinn og svo aðstöðumálin sem eru komin í algert óefni. Nökkvamenn, ef einhvertímann er þörf á dugnaði þá er það núna, við verðum að koma framkvæmdum á áætlun, bæta aðstöðu til bráðabirgða og finna okkur nýtt geymsluhúsnæði fyrir búnaðinn okkar. Æfingahópurinn þarf líka gera sig klára, byrja á sameiginlegum æfingum nokkru sinnum í mánuði og svo um leið og tíðin verður góð í vor verðum við klár með bátana. Gerum þetta af einu af stóru árunum í klúbbnum okkar og sýnum að við skiptum máli í ásýnd og íþróttalífi bæjarins. Kveðjur Rúnar Þór formaður.
Þorlákur Sigurðsson siglingamaður Nökkva 2011.
Almennt - fimmtudagur 29.des.11 13:54 - Rúnar Þór Björnsson - Lestrar 342 - Athugasemdir (14)
Á árlegri uppskeruhátíð siglingaklúbbsins Nökkva var Þorlákur Sigurðsson valinn siglingamaður Nökkva 2011. Hann er vel af titlinum kominn, duglegur og góður félagi og ekki síst góð fyrirmynd ungra siglingamanna. Úrslit frá Akureyrarmótinu sem fram fór í haust komu í síma frá Austurríki en yfirþjálfari Nökkva, Arnar Freyr Birkisson, er þar við vinnu á vinsælu skíðasvæði. Sjá úrslit á næstu síðu og myndir af sigurvegurum.
Þorlákur Sigurðsson Siglingamaður SÍL 2011 og Nökkva.
- Lesa meira
Jólagjöf ársins frá Samherja.
Almennt - fimmtudagur 29.des.11 00:41 - Rúnar Þór Björnsson - Lestrar 278 - Athugasemdir (6)
Enn og aftur hafa Samherjamenn haft okkur í huga þegar kemur að úthlutun úr Samherjasjóðnum. Fyrir félaga í littlum klúbbum eins og Nökkva er þetta það sem heldur klúbbnum á floti. Nökkvamenn senda Samherjum þakklætiskveðjur og fáum lánaða frétt af vefnum akureyri.net
Samherji veitti 75 milljónir í samfélagsstyrki
Skrifað 28. desember 2011 klukkan 23:06 | Páll Jóhannesson | Fréttir | Senda á Facebook | Senda á Twitter
Eigendur Samherja hf. efndu til samkomu í KA-heimilinu í dag þar sem þeir tilkynntu að fyrirtækið ákveðið að veita 75 milljónum króna til ýmissa samfélagsverkefna á Eyjafjarðarsvæðinu. Er þetta fjórða árið í röð sem fyrirtækið veitir slíka styrki. Í dag var einnig tilkynnt að félagið hefði ákveðið að styrkja verkefni um rannsóknir á hverastrýtum á botni Eyjafjarðar. Ólafur Ragnar Grímsson, forseti Íslands, sem var viðstaddur athöfnina, er sérstakur verndari þess verkefnis og einnig aðstoðaði hann við afhendingu styrkjanna. Með þessu hefur Samherji enn og aftur undirstrikað að þeir kappkosta að láta samfélagið í kringum sig njóta góða af velgengni fyrirtækisins með ýmsum hætti eins og Helga Steinunn Guðmundsdóttir sagði í dag og eru það sannarlega orð að sönnu.
Stærstur hluti styrkjanna fer til íþrótta- og æskulýðsfélaga, auk þess sem fé var veitt til Endurhæfingardeildarinnar á Kristnesi, HL-stöðvarinnar á Akureyri og Framfarafélagsins Stíganda á Akureyri.
Afreks og styrktarsjóður Íþróttaráðs í Höllinni 27 des.
Almennt - föstudagur 23.des.11 13:04 - Rúnar Þór Björnsson - Lestrar 409 - Athugasemdir (11)

            Fréttatilkynning frá Íþróttaráði Akureyrarbæjar.

                        Hin árlega úthlutun úr Afreks- og styrktarsjóði Akureyrar fer fram í hófi

sem haldið verður í Íþróttahöllinni þriðjudaginn 27. desember n.k. kl. 16:15 þar sem afhent verða viðurkenningarskjöl Íþróttaráðs Akureyrar til hvers félags fyrir sig.

                        Árangur akureyskra íþróttamanna var góður á árinu. Samkvæmt upplýsingum sem borist hafa til stjórnar sjóðsins hafa 162 íslandsmeistaratitlar unnist á árinu og einnig voru margir Akureyringar valdir til leiks með landsliðum í hinum ýmsu íþróttagreinum. Það er von Íþróttaráðs að þessir glæsilegu afreksmenn, þjálfarar þeirra og forystumenn íþróttahreyfinga á Akureyri sjái sér fært að koma til athafnarinnar. Góðar veitingar verða fram bornar í boði Akureyrarbæjar.

Íslandsmeistararnir á þessari mynd eru vinsamlega beðnir að mæta.
Samskip styrkja íþróttastarf barna og unglinga á Akureyri.
Almennt - fimmtudagur 15.des.11 14:19 - Rúnar Þór Björnsson - Lestrar 426 - Athugasemdir (5)
"Landflutningar - Samskip hafa ákveðið að styðja dyggilega við bakið á barna og unglingastarfi hér á Akureyri. Landflutningar - Samskip gefa allt andvirði jólapakkasendinga sinna til og frá Akureyri í sérstakan sjóð sem ÍBA mun úthluta úr eftir viðurkenndu úthlutunarkerfi. Leggjum okkar lóð á vogarskálarnar og styðjum þetta frábæra framtak.

Flytjum jólapakkana með Landflutningum því það rennur allt í okkar góða barna og unglingastarf"
Uppskeruhátið siglingamanna á Greifanum 28 des.
Almennt - miðvikudagur 14.des.11 10:58 - Rúnar Þór Björnsson - Lestrar 461 - Athugasemdir (10)
Miðvikudaginn 28 des, nk. ætlum við Nökkvamenn að koma saman á Greifanum kl 18. Myndasýning frá sumrinu, viðurkenningar verða veittar fyrir Akureyrarmótið og siglingamaður Nökkva tilkynntur. Fyrr um daginn eða kl 16,15 verður athöfn í Íþróttahóllinni á vegum Íþróttaráðs og þar hvetjum við alla Íslandsmeistara klúbbsins til að mæta. Með kveðju frá stjórn Nökkva.
Nýr seglbátur fyrir fatlaða og Kiwanis Grímsey koma færandi hendi.
Almennt - miðvikudagur 14.des.11 09:01 - Rúnar Þór Björnsson - Lestrar 445 - Athugasemdir (5)
Það var með miklu stolti sem Nökkvamenn gátu svift hulunni, eða umbúðunum réttara sagt, af nýjum tveggjamanna seglbáti sem kemur alla leið frá Malasíu í Hofi í gær. Seglbátur þessi heitir Access Wide 303 og er hannaður af áströlsku fyrirtæki og er sérhannaður fyrir fatlaða einstaklinga og sá fyrsti hér á landi og einnig með fyrstu svona bátum á norðurlöndum. Í Bretlandi eru nú þegar talsvert öflugur floti og mikið starf unnið við að gera siglingasportið aðgengilegt fyrir alla. Það eru Kiwanis og Lions klúbbarnir á Akureyri ásamt Þroskahjálp á Norðurlandi og Siglingasamband Íslands sem leggja fram fjármagnið til kaupanna en Samskip sá um flutninginn norður.
Seglbáturinn Access wide 303 vakti mikla athygli og á vonandi eftir að reynast öllum áhugasömum siglurum vel í framtíðinni, bæði stórum sem smáum.
Sjá fleiri myndir og texta á næstu síðu.
- Lesa meira
Formaður SÍL fær viðurkenningu frá ISAF.
Almennt - mánudagur 7.nóv.11 18:02 - Rúnar Þór Björnsson - Lestrar 696 - Athugasemdir (18)
Formaður SÍL, Úlfur Hróbjartsson í Puerto Rigo tekur við viðurkenningunni úr hendi Göran Peterson forseta alþjóðasiglingasambandsins ISAF.
Formaðurinn okkar fær þessa viðurkenningu fyrir þróunarstarf sem unnið hefur verið hér á landi sl ár og við útbreyðslu siglingastarfsins. Hægt verður að sjá fréttatilkynninguna í heild á SÍL vefnum innan skamms.
Þorlákur Sigurðsson úr Nökkva siglingamaður ársins 2011
Almennt - mánudagur 7.nóv.11 17:48 - Rúnar Þór Björnsson - Lestrar 791 - Athugasemdir (19)
Á uppskeruhátíð Siglingasambands Íslands sem fram fór í síðasta mánuði, hlaut Nökkvamaðurinn Þorlákur Sigurðsson útnefninguna "Siglingamaður ársins" og eins og segir í umsögn með útnefningunni á SÍL vefnum:

Siglingamaður 2011
Þorlákur Sigurðsson Nökkva
Hann sýnd afburða takta á árinu á Laser Radial og góðan árangur á öllum mótum. Hann ber með sér að vera efnilegur og góður siglari.

Við hér norðan heiða erum meira en sammála útnefningunni og óskum Þorláki innilega til hamingju.
Siglingamaður Íslands 2011. Þorlákur Sigurðsson
Mikið tjón á skútum í ofsaveðri.
Almennt - laugardagur 1.okt.11 11:16 - Rúnar Þór Björnsson - Lestrar 801 - Athugasemdir (15)
Mikill stormur olli stórtjóni á skútum við Menningarhúsið Hof í gær. Mikil alda stóð beint inn í höfnina undan suðaustan roki með þeim afleiðingum fingur sem halda skútunum vestan megin á littlu flotbryggjunni gáfu sig og skútur og bryggjuefni klestist og barðist saman langan tíma. Fjöldi bátseigenda, björgunarsveitin, lögreglan, hafnarstarfsmenn og margir aðrir lögðu sig í stórhættu við að bjarga þvi sem bjargað var. Tjónið er talsvert og ljóst að við þessar aðstæður er enginn möguleiki fyrir skútueigendur að geyma bátana sína hér inni á Pollinum. Hægt er að sjá fréttaumfjöllun RÚV frá gærdeginum á http://dagskra.ruv.is/frsjonvarp/2011/09/30/.
Sólbrunnir siglarar á Akureyrarmóti
Almennt - laugardagur 10.sep.11 18:36 - Rúnar Þór Björnsson - Lestrar 939 - Athugasemdir (20)
Það var frábært að enda siglingasumarið 2011 á svona fallegum degi eins og í dag 10. sept, hægur norðan vindur og steikjandi sólskin. Eflaust hefðu einhverjir viljað fá meiri vind en það er ekki alltaf hægt að fá allt. Framan af morgni var blanka logn en úr þvi rættist og upp úr hádegi var komin nægur vindur til að byrja keppnina. Sigldar voru 3 umferðir en keppnisstjori var Arnar Freyr yfirþjálfari Nökkva. Verðlaunaafhending verður á lokahófi Nökkva sem haldið verður seinna í mánuðinum eða í byrjun okt n.k.
Flott umgjörð um keppnina í dag. Fleiri myndir hér á eftir.
- Lesa meira
Akureyrarmótið í siglingum á laugardag.
Almennt - miðvikudagur 7.sep.11 13:41 - Rúnar Þór Björnsson - Lestrar 842 - Athugasemdir (18)
Nú er siglingasumrinu að ljúka og aðeins eftir að klára síðasta mótið sem er okkar eigið Akureyrarmót í siglingum. Skipstjórafundur verður kl 10.30 á laugardagsmorgun 10.sept og eru allir hvattir til að mæta, nánari keppnislýsing verður gefin út seinna. Siglingamenn Nökkva eru hvattir til að mæta og draga alla með sér, námskeiðsskrakkar sem voru orðin dugleg að sigla eru líka velkomin.