Fréttir

Æfingabúðir á Húsavík 27. júní til 1.júlí 2021. Æfingabúðamót 2.-3. júlí 2021 Dagskráin byrjar á mánudag 28. júní eftir hádegi og æft verður alla daga fram á fimmtudag en á föstudag og laugardag verður æfingabúðamót. Nánari dagskrá er að finna hér á eftir. Áríðandi er að fólk skrái sig fyrir þriðjudaginn 22. júní 2021. Nauðsynlegt er að skrá umsjónamenn/fararstjóra, þjálfara og þátttakendur

Hvert námskeið er ein vika, virka daga 3 tíma í senn. Frá 9-12 f.h. eða 13-16 eftir hádegi allt eftir skráningu. Námskeiðin eru fyrir börn á aldrinum 8-15 ára. Hjá yngsta árinu þarf þó að taka tillit til kjarks og líkamlegrar getu. Börn geta tekið þátt í eins mörgum námskeiðum og þau vilja yfir sumarið. Viðfangsefni eru siglingar, kajakróður og fleiri verkefni sem tengjast sjómennsku t.d. hnútakennsla. Dagskráin er yfirleitt nafnakall- skipt í hópa eftir viðfangsefnum-farið að sigla-nestir-meiri siglingar og kannski smá sull í lok námskeiðsdags-útskráning og brottför. Krakkarnir koma með nesti og aukaföt, best er að vera í vindstakk eða pollagalla og stígvélum. Blaut eða þurrgallar eru bestir fyrir þau sem eru orðnir svolítið vanari og farinn að sigla meira, þau sem eru í blautgöllum ættu að hafa með sér vindstakk þar til að vera í kaldari veðrum. Nauðsynlegt er að vera í góðum undirfötum ef notaður er þurrgalli.

Nú er hægt að greiða félags- og aðstöðugjald fyrir fullorðna í Nökkva í Nóra greiðslukerfi IBA. Slóðin er iba.felog.is Félagsgjald er fyrir alla velunnara félagsins og þau sem vilja vinna að hagsmunum útivista fólks á sjó, ám og vötnum, félagsaðild gefur eining afslátt af gjaldskrá félagsins. Aðstöðugjald er fyrir alla sem vilja nýta sér aðstöðu og búnað félagsins, gjaldið gildir almannanks árið. Við hvetjum alla til að nýta sér tæki og aðstöðu félagsins og taka þátt í starfi þess. Þessi gjöld standa undir rekstri og fjárfestingum á búnaði. Allir um borð!