Fréttir

Siglingaklúbburinn Nökkvi stendur fyrir námskeiðum í skútusiglingum fyrir fullorðna sumarið 2025. Þessi námskeið eru góður undirbúningur fyrir þá sem hafa hugsað sér að taka verklegt skútusiglingapróf í skemmtibátanámi Tækniskólans sem og þá sem vilja bara prófa skútusiglingar sér til skemmtunar. Á námskeiðunum sem kennd eru á 25 feta og 42 feta bátana er farið yfir alla þá þætti sem krafist er af þátttakendum í verklegu prófi sem gildir til stjórnunar skemmtibáta (seglbáta) sem eru allt að 24 metra langir.

Aðalfundur Nökkva verður haldinn 11. mars 2025 kl. 19.30 í Siglingahöllinni við Drottingarbraut. Venjulega aðalfundastörf. Allir sem vilja taka að sér trúnaðarstörf fyrir félagið geta haft samband við Tryggva formann eða boðið sig fram á fundinum.

Krakkarnir á síðasta siglinganámskeiði sumarsins fengu óvænta en skemmtilega heimsókn á síðasta degi námskeiðsins. Hnúfubakur sem hefur verið reglulegur gestur á Pollinum sl. vikur tók sundsprett með námskeiðskrökkunum. Það var ekki amarlegt að enda velheppnað námskeiðs sumar með slíku ævintýri og upplifun. Pollurinn er jú staðurinn sem ævintýrin gerast. Myndina tók Melanie úr hvalaskoðunarskipi sem var á staðnum.

Akureyrar og lokamót SÍL kæna 24. ágúst 2024 á Akureyri Siglingaklúbburinn Nökkvi Tilkynning um keppni 1. Reglur 1.1 Keppt verður samkvæmt: gildandi kappsiglingareglum WS 1.2 Keppnin verður ekki haldin ef keppnisstjórn hefur ekki yfirsjón yfir keppnissvæðið vegna skerðingar á skyggni. Keppnisstjórn miðar við að keppni fari fram við vindstyrk á bilinu 2-10 m/sek hjá yngri en 16 ára en 2-13 m/sek hjá eldri siglurum, samkvæmt mælingum ISAVIA á Akureyrarflugvelli ásamt mælingum keppinsstjórnar.

Íslandsmeistaramóti í siglingum á kænum er lokið. Keppt var í fimm flokkum að þessu sinni Optimist, Rs Tera, ILCA 4, ILCA 6 og Opnum flokk. Mótið hófst á fimmtudegi og lauk á laugardaginn samtals voru sigldar 8 umferðir sem er hámark umferða. Mótið gekk vel fyrir sig og var góður keppnisvindur alla daga. Úrslit voru eftirfarandi

Íslandsmót á kænum verður haldið af Siglingaklúbbnum Nökkva á Akureyri dagana 8. til 11. ágúst 2024. Skráning er nú hafinn á Abler.io Nánari upplýsingar með því að smella á fréttina. Hlökkum til að sjá ykkur.

Starf í boði hjá Nökkva Siglingaklúbburinn Nökkvi leitar að umsjónarkonu/manni með barnanámskeiðum félagsins sumarið 2024. Um er að ræða 90-100% starf eftir samkomulagi á tímabilinu 1. Júní til a.m.k. mánaðarmóta júlí- ágúst eða 16 ágúst. Við leitum að ábyrgum einstakling 23 ára eða eldri sem á auðvelt með samskipti við börn og unglinga, getur unnið sjálfstætt og brennandi áhuga á útivist. Þekking og reynsla á siglingum og sjósportum er kostur. Þekking á Sportabler kostur. Umsjónaraðili starfar í samstarfi við yfirþjálfara, þjálfara og formann félagsins. Góð starfskjör í boði. Umsóknarfrestur til 13 maí. Upplýsingar veitir Tryggvi formaður Nökkva í síma 898-3325 eftir kl. 14 eða siglingaklubburinn@gmail.com sendið umsókn á þetta netfang.

Nökkvi tekur þátt í stóra Plokkdeginum 28 apríl. n.k. kl. 11 á félagssvæði Nökkva. Við hvetjum alla félaga til að taka þátt og vinna að hreinsun svæðisins. Sjáumst þá.

Siglingaklúbburinn Nökkvi stendur fyrir námskeiðum í skútusiglingum fyrir fullorðna sumarið 2024. Þessi námskeið eru góður undirbúningur fyrir þá sem hafa hugsað sér að taka verklegt skútusiglingapróf í skemmtibátanámi Tækniskólans sem og þá sem vilja bara prófa skútusiglingar sér til skemmtunar. Á báðum þessum námskeiðum er farið yfir alla þá þætti sem krafist er af þátttakendum í verklegu prófi sem gildir til stjórnunar skemmtibáta (seglbáta) sem eru allt að 24 metra langir.

Boðið verður upp á kajaknámskeið í júní.