Fréttir

Önnur þriðjudagskeppni sumarsins var haldin 4. ágúst í hörkuvind 10-12 m á sek. Það voru mikil læti og fjör og þurftu keppendur svo sannarlega að hafa fyrir því að klára keppni. Kannski má segja að úrslitin hafi ráðist á hver velti sjaldnast. Úrslitin voru að 1. sæti Ísabella og Daði á Rs Fevu 2. sæti Guðrún á Rs Teru og 3. sæti BIrnir á Ilca 4.

Fyrsta þriðjudagskeppni sumarsins fór fram í gær 28 júlí. Þetta var Hörkukeppni í þokalegum vind. Sigldar voru tvær umferðir. Smellið á fréttina til að sjá úrslitin.

Loksins, loksins er komið að siglinganámskeiðum á kjölbátum, hefjast jafnóðum og næg þátttaka fæst. 10 tíma námskeið þar sem kennt er í 2-3 klst í senn. Kennslan fer fram á Paradís sem er Hunter 25 feta seglbátur í eigu Nökkva. Námskeiðstíminn er 1-2 vikur eftir því hvernig vindar blása. Mögulegt er að taka námskeiðið á skemmri tíma í samráði við kennara. Fjöldi nemenda um borð er 2-3 ásamt kennara. Verð: 60.000- Upplýsingar og skráning: Tryggvi Heimisson 898-3325 / siglingaklubburinn@gmail.com

Stjórn Nökkva minnir á félagsgjöld. Nýtt tímabil er að hófst 1. apríl búið er að opna fyrir greiðslu félagsgjalda, ásamt aðstöðu- og geymslugjöldum. Greitt er inn á abler.io/shop/nokkvi Abler heldur jafnframt utan um félagatal Nökkva, þannig að við biðjum þau sem eru nú þegar félagar og vilja vera það áfram að borga gjaldið inn á Abler og styðja þannig áframhaldandi uppbygginu félagsins. Eða hafa samband við Tryggva formann ef þið viljið frekar fá þetta sjálfkrafa í heimabanka. Hvet alla til að vera með og vinna að hagsmunum þeirra sem vilja stunda útvist á Pollinum, sjó, vötnum og ám. Nánari upplýsingar á siglingaklubburinn@gmail.com

Siglinganámskeið og æfingar byrja á fullu í næstu viku 9 júní og verða í umsjón Ísabellu og Alexanders. Áherlsa er lögð á kennslu, leik og fjör í siglingum og kajak. Siglingar eru frábærar til að byggja upp áræðni, þrautsegju og sjálfstæði barna. Einstök upplifun sem börn ættu ekki að missa af. Nökkvi býður líka upp á æfingar í siglingum fyrir allan aldur upplýsingar í siglingaklubburinn@gmail.com.

Aðalfundur félagsins var haldin í mars þar sem stjórn fyrra árs fékk endurkosningu. Formaður Tryggvi Jóhann Heimisson. Aðrir stjórnarmenn Ragnar Rúnar Svavarsson, Kári Ellertsson, Hörður Finnbogason, Sigrún Aradóttir, Tryggvi Már Ingvarsson og Yngvi Pétursson. Stjórnarfundir voru frekar óreglulegir og oft var notast við samskiptaöpp til að leysa mál við störf stjórnar. Góð samvinna var innan stjórnar og verkaskipting skýr.

Aðalfundur Nökkva verður haldinn 26. febrúar n.k. kl. 19.30 í Siglingahöllinni. Venjuleg aðalfundastörf, fræðsla og léttar veitingar í boði. Allir félagar hjartanlega velkomnir. Þau sem hafa áhuga á trúnaðarstörfum fyrir félagið, hafið samband við formann Nökkva gegnum netfang félagsins. Einnig stendur til að skipa laga nefnd til að endurskoða lög félagsins og skila fyrir næsta aðalfund.

Hér er gjaldskrá Nökkva: Leiga. Almennt verð. Kajak 3500 kr klst Árabátur 5000 kr klst Seglbretti 4000 kr klst Seglbátur 4000 kr klst Tveggjamanna Kajak 5000 kr klst

Siglingaklúbburinn Nökkvi stendur fyrir námskeiðum í skútusiglingum fyrir fullorðna sumarið 2025. Þessi námskeið eru góður undirbúningur fyrir þá sem hafa hugsað sér að taka verklegt skútusiglingapróf í skemmtibátanámi Tækniskólans sem og þá sem vilja bara prófa skútusiglingar sér til skemmtunar. Á námskeiðunum sem kennd eru á 25 feta og 42 feta bátana er farið yfir alla þá þætti sem krafist er af þátttakendum í verklegu prófi sem gildir til stjórnunar skemmtibáta (seglbáta) sem eru allt að 24 metra langir.

Aðalfundur Nökkva verður haldinn 11. mars 2025 kl. 19.30 í Siglingahöllinni við Drottingarbraut. Venjulega aðalfundastörf. Allir sem vilja taka að sér trúnaðarstörf fyrir félagið geta haft samband við Tryggva formann eða boðið sig fram á fundinum.