Fréttir

Nökkvi keypti á dögunum nýjan kennslubát RS Quest, félagið naut stuðings frá KEA og Íþróttasjóði Ríksins. Báturinn er mjög stöðugur og hentar mjög vel til kennslu á öllum aldurstigum en mun sérstaklega bæta möguleika félagsins í kennslu fyrir unglinga og ungmenni.

Það var gleðistund við nýja hús Nökkva sem rís örhratt þessa dagana, þegar Viðar Sigurjónsson frá ÍSÍ var mættur að afhenda formanni Nökkva, Tryggva Jóhanni viðurkenninguna fyrirmynda félag innan ÍSÍ. Þetta er stór áfangi fyrir klúbbinn og frábært veganesti í framtíðaruppbyggingu siglingasportsins hér á Akureyri. Einnig væri gaman fyrir siglingafólk klúbbsins og áhugafólk um okkar uppbyggingu að fylgjast með á morgun, laugardaginn 12 des, þegar stóru einingarnar verða hífðar upp og húsið fer að mótast í öllum sínum tilkomuleika. Frétt og mynd. Rúnar Þór

Starfsmenn Sigurgeirs Svavarssonar ehf. hófu í morgun að reisa veggeiningar nýja Nökkvahúsins. Bryrjað var á þeim hluta þar sem búningsaðstað verður. Hraði framkvæmda nú í desember mun ráðast af veðrinu. Þannig að nú vonumst við eftir hagstæðu veðri næstu vikur svo allt gangi að óskum.

Bæjaráð samþykkti samhjóða að taka tilboði Sigurgeirs Svavarssonar í nýtt aðstöðuhús fyrir Nökkva. Gert er ráð fyrir að húsið verði tilbúið í sumarbyrjun á næsta ári. Þetta verður algjör bylting í stafsemi félagsins. Klúbburinn fær nú alvöru búningsaðstöðu, starfsmanna aðstaða mun gjörbreytast ásamt viðgerða og viðhaldsaðstöðu. Klúbburinn getur nú loksins farið að reka félagsstarf sitt allt árið. Þessu ber að fagna og þakka öllum þeim sem hafa lagt klúbbnum lið í að gera þetta að veruleika.

Sælir félagar Margir hafa verið að spyrja frétta vegna framkvæmda við nýtt hús félagsins. Málin standa þannig að korter í undiskrift og framkvæmdir var því frestað og bæjaráð ákvað að taka sér umhugsunar frests í eina til tvær vikur. Málið var ekki tekið fyrir á síðast fundi bæjaráðs en vonandi verður málið tekið fyrir í næstu viku. Málið er að sjálfsögðu ekki af borðinu en það er ljóst öllu áhuga fólki um útivist á Pollinum eða á Eyjafirði að þetta má nú ekki bíða mikið lengur. Allar tafir krefjast mjög dýra bráðabirgða aðgerða. Við öndum rólega þessa viku og vonum að bæjafulltrúar komist að réttir niðurstöðu fyrir klúbbinn og bæjarbúa alla sem er að drífa þessa framkvæmd áfram. En hvet alla félagsmenn og velunnara að gera það sem þau geta til að koma þessu yfir þröskuldinn. Bestu siglingakveðjur Tryggvi formaður Nökkva

Opna Akureyrar og lokamót SÍL fór fram í gær á Pollinum. Þátttaka í mótinu var mjög góð. Keppt var í 5 flokkum Laser Radial, Opnum flokk, Rs Feva, Rs Tera og Optimist. Mikil spenna og fjör var á mótinu og hart barist um hvert verðlaunasæti. Aðstæður til keppni voru góðar þó keppendur hafi aðeins þurft að bíða eftir vindinum en mótið gekk hratt fyrir sig eftir að hann kom.

Nú er sumarnámskeiðum barna lokið. Siglingaæfingar halda áfram og verða á mánudögum, miðvikudögum og fimmtudögum kl. 16.45 til 18.45. Tryggvi Heimisson tekur við þjálfuninni af Ísabellu Sól þar sem hún er farin í nám í Reykjavík. Hvet æfingahópinn til að vera duglegann að mæta fram að Akureyrarmóti. Hægt er að hafa samband við þjálfara í gegnum siglingaklubburinn@gmail.com og gegnum skilaboð á facebook síðu félagsins.

Akureyrar- og lokamót kæna 2020 29. ágúst á Akureyri Siglingaklúbburinn Nökkvi Tilkynning um keppni 1. Reglur Keppt verður samkvæmt: a. Kappsiglingareglum ISAF b. Kappsiglingareglum SÍL c. Kappsiglingafyrirmælum mótsins 2. Auglýsingar a. Auglýsingar verða leyfðar samkvæmt ISAF reglugerð 20 um auglýsingar b. Auglýsingar sem keppnishaldari útvegar kann að þurfa að sýna á bátum eða búnaði 3. Þátttökuréttindi Rétt til þátttöku hafa fullgildir félagar í siglingafélögum samkvæmt móta- og keppnisreglum SÍL. Keppt verður í eftirfarandi flokkum ef næg skráning fæst a. Optimist b. RS Tera c. Laser Standard d. Laser Radial e. Laser 4.7 f. RS Feva e. keppnistjóri getur bætt opnum flokk við ef þurfa þykkir. 4. Skráning Skráningar berist til keppnisstjórnar fyrir 25. ágúst með tölvupósti á siglingaklubburinn@gmail.com. Taka þarf fram nöfn keppenda, seglanúmer, bátategund og félag sem keppt er fyrir. Þó er hægt að skrá allt fram að skipstjórafundi, þá hækkar þátttökugjald.

Siglingafólk Nökkva stóð sig vel á íslandsmóti kæna í siglingum um helgina. Þorlákur Sigurðsson varð íslandsmeistari á Laser Radial og Ísabella Sól Tryggvadóttir varð önnur í sama flokki. Er þetta í 10. sinn sem Þorlákur vinnur íslandsmeistartitil, glæsilegt afrek þar á ferð. Aðrir keppendur stóðu sig vel Mahaut og Magda urðu í fjórða sæti í opnum flokk en þær kepptu á Rs Fevu, þetta er þeirra fyrsta mót saman þannig að þetta verður að teljast mjög góð framistaða. Daði Jón varð svo í 4. sæti á Laser Radial með jafn mörg stig á 3. sætið en tapaði á innbyrðins viðreignum.

Haldið verður sjókajaknámskeið fyrir byrjendur 11. ágúst næst komandi. Námskeiðið hefst kl. 18.00 og líkur um kl. 21.00. Skráning og upplýsingar hjá David Olaf í síma 848-8569 og davidolaf87@gmail.com Lámarksfjöldi er 4 og námskeiðið kostar 15.000 kr. Farið verður í gegnum allan grunninn: hvað er kajak, grunnáratök, bjarganir og búnaður. Búnaður innifalinn en einnig hægt að koma með eigin bát og búnað.